Lere Lakohi Ema Estranjeiru Mak Ukun Timor

quinta-feira, 20 de julho de 2017

DILI – Timor atu hetan independensia, sosa ho ruin no ran, Nunee timor oan mak ukun duni rai nee, lakohi atu ema estranjeiru mak ukun.

Tuir Xefi Estadu das Forsas Armadas Major Jeneral Lere Anan Timur katak, Timor atu hetan nia independensia sosa husi ruin no ran. No lider neebe ukun tenke kria pas, Timor oan mak ukun duni.

Hau fiar katak se se mak ukun, timor oan mak ukun, hau lakohi ema estranjeiru mak ukun. Ita Timor mak ukun, tenke fo ita nia domin ba nasaun, fo domin ba ita nia povu,” hateten Lere ba Jornalista sira, bainhira remata enkontru ho Prezidente Republika, Francisco Guterres Lu-Olo iha Palasiu Aitarak Laran, Kuarta (19/07/2017).

Nia salienta tan, se mak ukun, ukun ho didiak. Oinsa tau nasaun nee iha hakmatek nia laran. No se mak ukun, sai simbolu unidade nasional nee mak importante. Nunee lider politikus balu, foin tama iha vida politikus, adapta ho situasaun foun, realidade foun, no demokrasia.

Iha fatin seluk Finalista FSC UNTL Mariano Babo hateten, lider neebe ukun, kumpri nia promesa iha tempu kampanha. Tanba povu nee matenek iha politika. Terezinha De Deus

 

Suara Timor Lorosae

MARI KO’ALIA KKN, XANANA HUSU AUDIT ZEESM!

Oecusse 13 Jullu, 2017

Se karik FRETILIN manán no fila ba ukun maka sei harii governu ida foun ne’ebé sei hamoos KKN no evita KKN tama fila fali, ida ne’e maka deklarasaun ne’ebé Sekretáriu Jerál Partidu FRETILIN Dr. Mari Alkatiri hato’o ba militante no apoiantes FRETILIN nian iha Munisipiu Baucau.

Tuir Dr. Mari Alkatiri katak governu FRETILIN nian sei harii polítika foun, hametin, hadi’ak, haburas, habelar, no ikus liu maka hamoos KKN tanba tuir Dr. Mari Alkatiri katak durante tinan sanulu governasaun ne’ebé lidera husi CNRT ne’e iha KKN barak.

Iha tempu hanesan Dr. Mari Alkatiri husu ba militante sira atu labele monu ba partidu balun ne’ebé mai lori osan atu sosa votu.

“Partidu balun agora tanba ta’uk atu lakon entaun sira fahe osan, maibé ha’u hateten se sira fó $10 imi husu $100, se sira fahe motor karik simu motor ne’e halo servisu FRETILIN nian!” Mari Alkatiri deklara ba militante rihun ba rihun ne’ebé halibur iha kampu aviasaun Baucau.

Autoridade RAEOA ne’e aumenta: “Tanba ne’e FRETILIN tenke fila ba ukun, fila ba ukun atu hadi’ak sasán sira ne’ebé la’o la los no hamoos KKN atu labele tama fali ba governasaun.” Mari Alkatiri deklara ba militante sira ne’ebé simu ho haklalak.

Entretantu ba mídia ida ne’e Prezidente Partidu CNRT hateten katak buat ida KKN ne’ebé Kamarada Dr. Mari Alkatiri dehan ne’e parese tanba Soeharto maka ukun ne’e maka halo KKN bot. Tanba ne’e Ministru MPIE ne’e kestiona ba Kamarada Dr. Mari Alkatiri se kontas sira ZEESM ne’e bolu ajénsia internasionál ruma hare ka lae.

“Nudár fundador FRETILIN Kamarada Dr. Mari Alkatiri, ha’u husu de’it se kontas ZEESM nian ne’e bolu DELLOITE ka ajénsia internasionál para hare tok lalaok gastus kontas ZEESM nian durante ne’e? Tanba fontes kamarada ZEESM dehan katak kontas sira ne’e to’o agora seidauk ba Tribunal de Contas.” Xanana Gusmao kestiona no deklara ba mídia ida ne’e.

Entretantu bainhira mídia ida ne’e husu kona-ba alegasaun Partidu CNRT fahe osan iha fatin hotu-hotu tanba ta’uk lakon eleisaun parlamentár ne’ebé sei hala’o iha loron 22 Jullu 2017, Xanana Gusmao hateten katak Partidu FRETILIN oras ne’e fahe motor ba xefe suku sira iha RAEOA iha tempu eleisaun nian.

 
Autoridade RAEOA fahe motorizada ba xefe suku sira.

“HEBAT SEKALI…Partidu FRETILIN liu husi polítika Kamarada Dr. Mari Alkatiri halo investimentu maka’as hodi fahe motor, aktu ne’e akontese duni iha RAEOA ne’ebé fahe motor ba Chefe do Sucos sira atu habelar programa H6 Partidu FRETILIN nian,” Xanana haktuir.

Hafoin Prezidente Republika periodu 2002-2007 ne’e hatutan: “FRETILIN promete mós atu fahe osan iha loron 21 de Julho nudár re-kompensasaun tanba habelar ona programa H6…MAU APA DENGAN INI?? INI BUKAN KKN, MUNGKIN MONEY POLITIC, MUNGKIN MANIPULASI??” Xanana kestiona.

Antes atu remata prezidente CNRT ne’e aumenta: “Ba Kamarada Dr. Aniceto Guterres, ha’u sujere atu labele de’it fahe (red-motor) iha RAEOA maibé iha munisipiu sira seluk mós, se lae ema bele dehan INVESTIMENTO LA EKELIBRU.”

Tuir oráriu hafoin kampaña iha RAEOA Partidu CNRT sei hala’o mini kampaña iha postu administrativu Metinaro no suco Becora Postu Administrativu Cristo Rei iha Munisipiu Dili.

MARI KRITIKA GOVERNASAUN XANANA, XANANA: HAU RAN FRETILIN VOTA CNRT!

Oecusse 13 Jullu, 2017

Iha komísiu polítiku durante kampaña Partidu FRETILIN iha Munisipiu Lautem Sekretáriu Jerál Partidu FRETILIN Dr. Mari Alkatiri kritika governasaun ne’ebé durante ne’e lidera husi Xanana Gusmao. Tuir Dr. Mari Alkatiri nia observasaun katak iha tinan 10 nia laran ne’e buat barak maka la’o la los, liu-liu refere ba estrada ne’ebé liga munisipiu ida ba munisipiu seluk.

Tuir Dr. Mari Alkatiri katak durante tinan 10 nia laran partidu ne’ebé ukun ona tenke aprezenta rezultadu la’ós fó tan promesa ba povu tanba se la aprezenta rezultadu maka sei kontinua bosok povu. Eis Primeiru Ministru ne’e hateten katak maske Partidu FRETILIN la ukun tinan sanulu maibé mai ho programa ne’ebé bazeia ba failansu iha tinan 10 governasaun atuál nian.

“Sira ukun tinan sanulu maibé la iha rezultadu, se ha’u nia ruin la’ós besi asu karik husi Viqueque mai to’o iha ne’e (red-Lautem) tohar tiha ona, ita la hatene ne’e estrada ka, mota ka, natar, ita la hatene los!” Mari Alkatiri deklara ba massa FRETILIN ne’ebé simu ho haklalak.

Fundador Partidu FRETILIN ne’e aumenta tan: “Sira ukun tinan sanulu, ukun laloos, ukun la buras agora mai atu husu tan tinan sanulu!” Mari Alkatiri salienta.

Relasiona ho deklarasaun polítika Dr. Mari Alkatiri nian iha Munisipiu Lautem ne’e, mídia ida ne’e konsege hetan resposta husi Prezidente Partidu CNRT Xanana Gusmao. Tuir eis gerrilleiru ne’e katak nia (Xanana Gusmao) ran FRETILIN maibé vota ba CNRT tanba estrada Oecusse mós la la’o.

“Se karik Kamarada Mari hare ba estrada iha munisipiu seluk kleur liu, tuir loloos estrada ne’ebé kamarada sira kaer iha Oecusse ne’e dezenvolve hotu ona, tinan tolu ona mos sei jalan ditempat hela!” Xanana salienta.

Atual Ministru MPIE ne’e hateten katak tuir nia hare bazeia ba sensus ba uma kain hotu-hotu iha Timor-Leste hatudu katak dezenvolvimentu kleur duni maibé povu mós iha mudansa daudauk ona iha sira nia moris.

Xanana Gusmao kontinua hateten katak nia ran FRETILIN vota ba CNRT tanba iha Oecusse programa $3 ba estrada ema ne’ebé servisu hatais hotu kamizola FRETILIN tanba se la’ós FRETILIN labele servisu, tanba ne’e maka nudár ran FRETILIN nia (red-Xanana) sente ida ne’e la loos.

“Kompañia sira iha Oecusse lamenta tanba sira tenke aprezenta númeru militantes FRETILIN, lae la hetan projetu. Tanba ne’e maka ha’u ran FRETILIN ha’u sente ida ne’e la loos,” Xanana Gusmao deklara ba midia ida ne’e.

Prezidente Partidu CNRT ne’e hatutan: “Kamarada Dr. Mari Alkatiri, tinan sanulu kleur duni, maibé tinan rua nulu resin hat (24) kleur liu, kamarada Mari labele haluha ida ne’e!” Xanana hameno ba Prezidente Partidu FRETILN Dr. Mari Alkatiri.

Observasaun mídia ne’e hatudu katak iha semana daruak periodu kampaña nian partidu bot sira komesa halo ajitasaun polítika no hato’o kritika maka’as ba malu, liu-liu Partidu FRETILIN no PLP halo CNRT sai sira nia alvu ba kritika hodi atrai votante sira nia votus.

Povu halerik ba realidade moris – Guverno desenvolvi tuir Mehi

 

Kondisaun Uma MDGs abandonado

Hakerek nain: “Kontra Laloran”

Oinsá ita bele aprova gastu osan boot ba projeitu boot maibé ita labele halo uma simples ba Povu atu hela ba sira ne’ebé laiha kbiit liu ou bane be iha kbiit bele fó hanesan kréditu to tinan naruk ho subsídiu husi governu? Kredit Perumahan Rakyat.”

 

Timor laos rai boot ida Povu mós la barak, Tinan 15 ita ukun a ‘an tuir loloos povu sei la halerik beibeik tan ba sira nia nesesidade ba eskola la to’o ou balun laiha liu, “ Tidak ada sama sekali masih jalan kaki” Se karik mak ita halo planu Desenvolvimentu Nasionál ida hare uluk Povu nia moris hodi investe iha (Saúde, Edukasaun, we, no dalan ki’ik asesu ba fatin izoladu hotu no halo ba distritu hotu hanesan -Merata) maka Problema hirak nee sei bele redús ou hamenus.

Maibé, agora kontráriu, osan ne’ebé tama husi fundus mina-rai ita uza ba planu hodi  halo infrastrura baseia ba imajinasaun laos programadu hodi halo sai realidade, gasta Povu nia osan tinan-tinan maibé laiha kemajuan signifikativu, maibé piór mak halo Ita nia Povu sai fali Vítima husi Desenvolvimentu ne’ebe hanehan fali Povu ki’ik. Gusur sira kiri kanan, Obriga sira ho forsa atu simu de’it saida mak Governu planu atu halo iha fatin ida sira hela ba sem sosializasaun dahuluk ligadu ba programa Governu ida nian. Ida nee la los ona, Nee viola direitu umanu artigu 17 deklarasaun universal direitu umanu kona ba direitu ema atu iha rai no uma fatin ( right to own property) no liu tan violasaun boot ba ita nia konstituisaun rasik ne’ebé hatuur direitu sidadaun nia ba rai.

Ho rasaun rai Governu ita“ seenaknya” tuir ita nia gostu ka konforme ita nia hakarak gusur de’it, ne’e pergunta boot ba ema ne’ebé bele analiza kle’an dehan loloos de’it ba povu katak  rai Governu ka rai interese entre ha’u, ho ha’u nia amigo bisnis partners ne’ebé uza governu nia naran atu Hata’uk Povu ?

Sera que Povu iha direitu atu hela permanente ou temporáriu ou bainhira governu seidauk iha solusaun di’ak atu hatuur sira iha fatin di’ak ruma ho dignidade?. Povu hela iha fatin ida mós ho razaun nia la naran okupa rai ka uma ida maibé tamba duni Povu hatene duni nia direitu báziku tuir konstituisaun rasik haruka. Sera que ita nia ukun nain sira ne’ebe uluk halo konstituisaun RDTL la halo sosializasaun ba sira nia membru Governu ou Membru Governu rasik la iha tempu atu lee konstituisaun RDTL?  Nu’udar Leader tenke estuda didi’ak buka hatene tanba sá , ko’alia ho sira fó alternativu ,esplika klaru planu ne’ebé atu halo no sem deskriminsaun.

Oinsá ita bele aprova gastu osan boot ba projeitu boot maibé ita labele halo uma simples ba Povu atu hela ba sira ne’ebé laiha kbiit liu ou bane be iha kbiit bele fó hanesan kréditu to tinan naruk ho subsídiu husi governu? Kredit Perumahan Rakyat.”

Do que ita bolu investor boot husi liur no kerjasama ho sira hodi mai investe iha Timor, halo Uma Luxu iha rai estadu depois fan ho folin Karun ba Povu Kiak oan sira, nee se mak iha kbiit atu sosa Uma ho folin $50000 bá leten selu Tinan ida de’it ? So ba Pengusaha no Señor boot ho nia família sira mak bele .Ita bele Sura ho liman Ema na’in hira mak riku iha Timor, Nain hira mak servisu iha estadu hanesan Pegawai, Nain hira mak servisu privadu ? ne’e la barak, Seluk maioria mesak Ai leba, ain tanan hotu de’it no modal laiha.

Desenvolvimentu kuandu halo ho Fuan, sabedoria ho Domin  e Laiha interese pesoál iha laran, Desenvolvimentu ne sei sai di’ak duni,  no fó vantage boot ba Povu nia futuru ne’ebé di’ak liu. Mais kuandu iha interese pesoál iha laran, O nia ain kesi metin tanba iha perjanjian rahasia iha laran o nia ain kesi metin bainhira O loke Antonio nia furo, Antonio mós ke’e O, Antonio to’os nafatin lakohi lakon entaun o buka dalan atu halakon nia …Para sempre… Maibé kuandu o servisu Mós entaun O sei la ta’uk buat ida.

Bainhira Povu moris di’ak tanba iha ona suporta husi governu bá sira nia nesesidade báziku sira se badinas no iha motivasaun atu bele halo buat ruma ona, e sira iha income, rendimento, iha osan e sira bele hala’o moris rasik , Bele selu eletrisidade, Selu rasik oan sira nia eskola, selu konsulta doutór, selu ospitál ne’ebé iha kualidade di’ak, tulun ema seluk, bele ajuda igreija, Sosa transporte rasik atu hodi halai tama ba iha Auto estrada sira ne’ebé mak planu atu halo, Karik balun bele sosa tan aviaun tan para bele Semo ba mai iha Aeroportu Foun hirak nee. Se lae hanesan agora gastu osan barak-barak ba Centro Eletrisidade Povu rasik barak mak laiha kbiit atu Selu ou sosa Pulsa osan la suffisiente. Oinsá atu halo manutensaun ba Centro Eletrisidade hirak ne’ebé presiza osan laos uitoan ba manutensaun tinan-tinan bainhira povu rasik la bele asegura servisu ba sira nia an hodi kontribui ba taxa estadu nia?.

Buat hotu bele nusa mak labele. Ema mak halo buat mate hanesan fatuk, ai, we sai moris no iha valor ekonomikamente. Ne Lójika –Ema dehan lójika thinking hanesan nee, halo buat ne’ebé rasiona ou masuk akal. Laos halo buat seluk as tebes ne’ebé seidauk tempo atu implementa I karik atu implementa hare mós mudansa international. la’os matan delek implementa de’it tanba tama ona iha planu , Nao, Sa tan ho folin mina-rai ida agora tun e la hatene bainhira atu sa’e fila fali ?

Ho teknolojia avansadu, nasaun barak komesa hare ona atu troka enerjia alternativu halo revolusaun energy GO GREEN-  la uza ona óleu ho gas hanesan main energy atu konsumu e ikus sei bele hatún mina nia folin ba liután 10$ per barrel iha futuru , Nasaun barak e kompañia  mina barak mós komesa investe ona iha energy alternative troka uza enerjia bolu Renewable resource ne’ebé bele kontinua troka fila fali hanesan oxygen, We mós, loron matan Solar enerjia, Ai-hun, no biomas, Anin, Udan, Laloran no we manas, La hanesan mina no gas hotu, hotu ona e ita tenke taka mina matan, taka refinery, taka supply base , taka auto estrada, taka aeroportu no tanki mina mamuk.